اسكت ما تحكيش!!!!!

قالولك اسكت ماتحكيش
انت خلقت للتلطيش
للحواجز للمعابر للتفتيش
كتبوا عـ جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

***

ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

***
فلسطيني بكل المطارات
اسمك بالأحمر مكتوب
و عـ شباك مصلحه الجوازات
كتبوا عـ جبينك مطلوب
لازم تتوقف ساعات
مذنب او مندون ذنوب
و يتوجه لك اتهامات
انك سبب كل الحروب
كأنو بسببك الحق مات
و العدل بأرضك مصلوب
و كأنك سبب النكسات
و كل أزمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرهامغلوب

***
مع انو الحقيقه
انا الي بالدنيا ضحيه
عملتوني ماده للغنى
و قضية الي
ما عندو قضيه
انا الي راسي ماإنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي

***

فلسطين عربيه
و راح تبقى عربيه
وراح ترجع عربيه

تعلمت ....
كيف اكون من الجرح اقوى..
وكيف اكون من النزيف اعند..
وكيف اجدد شكل الحوار بواقعية..
ورغم المعاناة التي ينزف منها الشعب الفلسطيني يجب ان يخلوا
البسمة مثل النبع تروي ضماها
وخلي الامل سراج ينور ظماها
هيك هي الحياة ولازم نمشي على هواها
ويعطيك الف عافية اخي قلب حائر
على ما قدمت من تميز وابداع
التي شهدت عليه جميع احاسيسنا

امه الله

اسعدني جدا مرورك العطر في صفحاتي

نورتي بطلتك فيها

تحياتي للجميع